فیدباکا قوتابيان

فیدباك

ئه‌ركێن قوتابی

زانكۆیێ ماف ل سه‌ر قوتابی هه‌نه‌ هه‌ر وه‌ك قوتابی ماف ل سه‌ر زانكۆیێ هه‌ین، ل ده‌سپێكا سالا خواندنێ ده‌مێ قوتابی دهێته‌ وه‌رگرتن پێتڤی یه‌ قوتابی چه‌ندین خاڵ و مه‌رجا ئیمزا بكه‌ت، ئوژی ئه‌ڤه‌نه‌:

- پێتڤی یه‌ قوتابی پێگیری ب رێنمایێن زانكۆیێ بكه‌ت.

- پێتڤی یه‌ قوتابی پێگیری ب ئه‌وان خاڵ و مه‌رجا بكه‌ت ئه‌وێن ل سه‌ر ئیمزا كرێن ده‌مێ هاتیه‌ وه‌رگرتن.

فیدباكا قوتابی بۆ مامۆستا وبابه‌تێن خواندنێ خاله‌كا زۆر گرنگه هه‌روه‌سا ئاماده‌بوونا قوتابیا بۆ وانێن خواندنێ نه‌ بتنێ ژبۆ فێربوونێ به‌لكۆ بۆ سه‌ركه‌فتنا كارێ پیرۆز یێ زانكۆ و په‌یمانگه‌ها يە، ژبه‌ر ڤێ چه‌ندێ پێتڤی یه‌ گشت كولیژ و په‌یمانگه‌ه بایه‌خ بده‌نه‌ ئاماده‌بوونا قوتابیا.

ئه‌ركه‌كێ نیشتمانی و ئه‌كادیمی یه‌ قوتابی ل ئاستێ به‌رپرسیاری یێ بیت د ره‌فتارێن خۆدا ل زانكۆیێ ژبەرکو دا ئاستێ زانست وباوه‌رنامێ به‌رز بكه‌ت.

هه‌ر قوتابیه‌كێ رێژا نه‌ئاماده‌بوونا وی بێ ئه‌گه‌ر یان ب ئه‌گه‌ر 10% ، 15% بیت بۆ هه‌ر وانه‌كێ:

- ماف نامینیت بۆ ئه‌نجامدانا فیدباكا قوتابی بۆ ڤێ وانێ.

- ماف نامینیت بۆ ئه‌نجامدانا ئه‌زموونا دوماهیێ و دێ هێته‌ هژمارتن سه‌رنه‌كه‌فتى د ڤێ وانێ دا ودێ چیته‌ خۆلا دووێ.

هه‌ر قوتابیه‌كێ رێژا نه‌ئاماده‌بوونا وی بێ ئه‌گه‌ر ده‌رباز بیت ژ 15% یان ب ئه‌گه‌ر ژ‌ 20% بۆ گشت وانێن خواندنێ، ڤی قوتابی ماف نامینیت بۆ ئه‌نجامدانا ئه‌زموونێ دوماهیێ و دێ هیته‌ هژمارتن سه‌رنه‌كه‌وتوو د وێ سالا خواندنێ دا.

(تخفیف حاله) و(تغییر حاله) و(عبور) و(ترقین قید) دێ هێنه‌ چاره‌سه‌ركرن ل دویف خاڵێن ل خوارێ دیاركری:

هه‌می قوتابا مافێ (تغییر حاله‌) هه‌یه بێ جیاوازی‌ ل دویف ستانده‌رێن پێشتر.

هه‌ر قۆتابیه‌ك ب نیڤا ژمارا وانێن خواندنێ یێن سالانه‌ یان كۆرسانه كێمتر‌ سه‌رنه‌كه‌ڤیت، ماف هه‌یه‌ ل خۆلا دووێ ئه‌زموونا ئه‌نجام بده‌ت.

 ئه‌گه‌ر قوتابی ب نیڤا ژمارا وانێن خواندنێ یێن سالانه‌ یان كۆرسانه پتر سه‌رنه‌كه‌ڤیت دێ هێته‌ هژمارتن سه‌رنه‌كه‌فتى ل سالا خواندنێ یان كۆرسێ خواندنێ.

رێنمایێن (ترقین قید) وه‌كی خۆ دێ مینن ل دویف بریارێن سالا خواندنێ2009-2010 ، هه‌ر قوتابیه‌كێ دوو سالا ل دویف ئێك سه‌رنه‌كه‌ڤیت ماف نامینیت به‌رده‌وام بیت ل زانكۆیێت حكومی، به‌لێ مافێ هه‌ی ل زانكۆیێت ئه‌هلی بخوێنیت.

مافێن قوتابیا

- قوتابی مافێ هه‌ی په‌رتووكا وانێ پێشوه‌خت وه‌ربگریت.

- ل دووماهیا وه‌رز یان سالا خواندنێ، قوتابی مافێ به‌راوردكرنا هه‌ر وانه‌كێ یێ هه‌ی بشێوه‌كێ جودا ل دویف ستانده‌رێن دیاركری.

- قوتابی مافێ به‌راوردكرنا ئه‌زموونا یێ هه‌ی ب شێوه‌كێ پراكتیكی. ئه‌ڤ هه‌لسه‌نگاندنه‌ ژبۆ وێ چه‌ندێ یه‌ پێش برنا بابه‌تێن خواندنێوستایه‌لێ ئه‌زموونا، زێده‌باری وێ چه‌ندێ كو فیدباك د بیته‌ ستانده‌ره‌ك كو به‌ر چاڤ دهێته‌ وه‌رگرتن بۆ هه‌لسه‌نگاندنا شێوێ برێڤه‌برنا بابه‌تێ خواندنێ، به‌شێ سه‌ره‌ب كولیژێ ڤه‌ و كولیژێ ب شێوه‌كێ گشتی.

- قوتابی مافێ دیتنا دانه‌یه‌كێ ژ په‌رتووكا به‌رسڤا خۆ یێ هه‌ی بتنێ ده‌مێ پێتڤییا زۆر وبتنێ بۆ ئێك بابه‌ت ل دویف بریارا زانكۆیێ.

فایلێ کوردی ملف عربی English File