ھه گبه ی مامۆستای

ئارمانج

ئارمانجێت سه‌ره‌كی یێت دروستكرنا هه‌گبه‌ی مامۆستا:

  1. هاندانا مامۆستای بۆ خزمه‌ته‌كا باشتر د بوارێ فێركردنێ دا وبلندكرنا ئاستێ كوالیتی.
  2. هه‌لسه‌نگاندنا شیان وچالاكیێت مامۆستای ژبۆ پاراستن وبه‌رزكرنا رۆلی وی یێ به‌رچاڤ.
  3. هاریكاریا مامۆستای بۆ ده‌ستنیشانكرنا خاڵین بهێز ولاواز ودیتنا رێكێن چاره‌كرنێ ونه‌هێلانا كێماسیا.

ناڤه‌روكا هه‌گبه‌ی مامۆستا

پێتڤی یه‌ هه‌گبه‌ی مامۆستا ژ پێزانین وبه‌لگه‌یێن ل خوارێ دیار كری پێك بێت.  به‌ پێی بریاری ئه‌نجومه‌نی کولیژێ وبه‌رچاڤ وه‌رگرتنا شیانێن به‌رده‌ست، دبیت پێزانین و به‌لگه‌ بشێوه‌یه‌كی ئه‌لكترونی یان چاپكری بێنه‌ پێشكێش كرن.

ژیانناما مامۆستای (CV)

- كورتیه‌ك ل دور پرۆفایلی مامۆستا (پێتڤی یه‌ مامۆستا بخۆ بنڤیسیت)

- باكگراوندێ زانستی یێ مامۆستای وكورتیه‌ك لدور بوارێ بسپۆریێ.

- روونكرنه‌ك بۆ فه‌لسه‌فه‌ وبوچوونێت مامۆستای لدور میكانیزم و چه‌وانیا بلندكرنا ئاستێ كوالیتیا خواندن وفیركردنێ دبوارێ بسپوریا وی دا.

- كورتیه‌ك لدور كۆرس وبابه‌تێن بۆ قوتابیا پێشكێش دكه‌ت د بوارێ بسپوریا خۆدا.

- ژمارا قوتابیێن وان پۆلێن مامۆستا وانه‌یا بۆ پێشكێش دكه‌ت.

- خشته‌ی بابه‌ت، ناڤ ونیشان، مێژوو وده‌مژمێرێت وانه‌یا.

- جۆری ئه‌زمونا، پرسیار وبه‌رسڤێت نموونه‌یی وچه‌وانیا دابه‌شكرنا نمرا.

- به‌لگه‌نامه‌ سه‌باره‌ت هه‌ولدان بۆ پێش ئێخستنا وانه‌گووتنێ وه‌ك به‌شداربوون د سمینارا دا.

- داهێنان د وانه‌گووتنێ دا وئاسانكرنا پرۆسێسا فێربوونێ و پێش ئێخستنا پروگرامێن خواندنێ.

- به‌شداربوون د شێوێن جیاواز دا سه‌باره‌ت وانگووتنێ: وانێن كلاسیكی، سه‌رپه‌رشتیا سمینارێن قوتابیا، بوچونێت ره‌خنه‌ گرانه‌ و گفتوگۆیێت ئه‌كادیمی به‌ به‌لگه‌نامه‌.

- راپۆرتا هه‌لسه‌نگێنه‌رێ ده‌ره‌كی سه‌باره‌ت كۆرسی مامۆستا.

- بوارێ ڤه‌كولینێ: ل سه‌ر چه‌ند ڤه‌كولینا كار دكه‌ت وچه‌ند ئه‌نجام داینه‌ و چی ڤه‌كولین داهێنان تێدایه‌.

- به‌لاڤوكێت زانستی وپه‌رتووكێت چاپكری و وه‌رگێرای.

- سه‌رپه‌رشتیا نامێن ماسته‌ر و دكتورا و به‌شداربوون د لیژنێت گه‌نگه‌شه ‌كرنێ دا.

- به‌شداربوونا چالاك د كونفرانس و ووركشۆپێن ئه‌كادیمی دا به‌ به‌لگه‌نامه‌.

- چالاكیێن دی وه‌ك ئه‌ندامه‌تی د لیژنێن زانستی یان كارگیری دا، كۆنووس وبه‌لگه‌نامێت به‌شداربوونێ.

- چالاكیێت مامۆستای ده‌رڤه‌ی زانكۆیێ بۆ نموونه‌ دگه‌ل رێكخراوێت پیشه‌یی و خێرخوازی، راگه‌هاندن ورۆژنامه‌ڤانی....تد.

- هه‌ر چالاكییه‌ك و دۆكیومێنت مامۆستا بزانیت دێ هیته‌ هژمارتن.

- پاداشت و سوپاسنامه‌.

 

 

 

 

 

هه‌گبه‌ی مامۆستا وسه‌رۆكی به‌ش وسه‌رۆكی سكول و راگری کولیژێ ب هه‌مان شێوه‌ و ب هه‌مان ناڤه‌روك دهێته‌ ئاماده‌كرن و هه‌لسه‌نگاندن.

میكانزمی هه‌لسه‌نگاندن

كۆمكرن و دروستكرنا پێزانین وبه‌لگه‌ناما د فولده‌رێكی تایبه‌ت دا ئه‌ركێ مامۆستایه‌، و پێتڤی یه‌‌ مامۆستا به‌ری دوماهیا هه‌یڤا نیسانێ هه‌گبه‌ی خۆ پێشكێش بكه‌ت بۆ رێكخه‌رێ به‌شی كو برێكه‌كا نهێنی وب ئیمزا (ژمە) پێشكێش بكه‌ت بۆ ئه‌ندامێت لیژنا هه‌لسه‌نگاندنێ ژبۆ هندێ كو هه‌ر ئه‌ندامه‌ك ب شێوه‌كێ نهێنی فورمی هه‌لسه‌نگاندن پر بكه‌ت. به‌رامبه‌ر هه‌ر برگه‌یه‌ك ب شێوه‌یه‌كی بابه‌تانه‌ و لدویف به‌لگه‌ناما پلا (١ تا 5) پێ ی  بده‌ت.

  1.  
  1.  
  1.  
  1.  
  1.  

سه‌رنه‌كه‌فتی

ناڤنجی كێمتر

ناڤنجی

باش

زۆر باش

 

 

ل خانا ژماره‌ (17) د فورمێ دا، رێژا دوماهیێ دێ هێته‌ نڤیسین (كویێ ئاستێن تو‌ماركری دابه‌شكری ل سه‌ر 16). پێتڤی یه‌ به‌رامبه‌ر هه‌ر برگه‌یه‌ك تێبینی بێنه‌ نڤیسین و ئاماژه‌ ب هه‌بوون یان نه‌بوونا به‌لگه‌ناما بێته‌ كرن بتایبه‌تی ئه‌وێن ئاسته‌كێ بلند (4.5 – 5.0) یان كێم (1.0 – 2.0). پێتڤی ێه‌ هه‌وڵ بیته‌ دان هه‌لسه‌نگاندن تومارنه‌بن بێ به‌لگه‌نامه‌ و دوكیومێنت.

رێكخه‌رێ به‌شی دێ رابیت ب كومكرنا هه‌لسه‌نگاندنێت سه‌ره‌كی ودئه‌نجامدا دێ فورما دوماهیێ ئاماده‌كه‌ت كو بریتیه‌ ژ رێژا ئاستێن سه‌ره‌كی بۆ هه‌ر برگه‌یه‌كێ وكورتیه‌ك لدور تێبینیا. فورمێن سه‌ره‌كی دگه‌ل فورما دوماهیێ دگه‌ل هه‌گبه‌ی مامۆستا دێ هێنه‌ پاراستن ل لایێ رێكخه‌رێ به‌شی.

لیژنا هه‌لسه‌نگاندنا هه‌گبه‌ی مامۆستا

لیژنا هه‌لسه‌نگاندنا هه‌گبه‌ی مامۆستا ژ ئه‌ندامێت ل خوارێ پێك دهێت:

  1. سه‌رۆك به‌ش (سه‌رۆكێ لیژنێ). ده‌مێ هه‌لسه‌نگاندنا هه‌گبه‌ی سه‌رۆكێ به‌شی یان سه‌رۆكێ سكولێ یان راگرێ کولیژێێ، پێتڤی یه‌ سه‌رۆكێ لیژنێ خودان پله‌یه‌كا بلندتر بیت ژ سه‌رۆكێ به‌شی.
  2. رێكخه‌رێ به‌شی
  3. رێكخه‌رێ سه‌ره‌كی یێ کولیژێ یێ یان نوینه‌ره‌كێ وی(ئه‌ندامه‌كێ لیژنا دڵنیایی جۆری ل کولیژێێ) .
  4. رێڤه‌به‌رێ هۆبا زانستی و خواندنا بلند ل سه‌ر ئاستێ کولیژێێ.
  5. مامۆستایه‌كێ خودان ئه‌زمون ب پلا پرۆفیسۆر یان پرۆفیسۆرێ هاریكار ژ ده‌رڤه‌ی به‌شی، كه‌ پێتڤی یه‌ ئه‌نجومه‌نی کولیژێ بریارێ ل سه‌ر بده‌ت و مه‌رج نینه‌ مامۆستا ژ هه‌مان کولیژێ یان هه‌مان بوارێ خواندنێ بیت، لێ باشتره‌. پێتڤی یه‌ پله‌یا مامۆستایێ هه‌لسه‌نگێنه‌ر بلندتر بیت ژ پله‌یا مامۆستایێ دهێته‌ هه‌لسه‌نگاندن یان وه‌كی وێ بیت.

تێبینی: مامۆستایێ د هێته‌ هه‌لسه‌نگاندن ئاماده‌ی كومبونێت لیژنێ نابیت

  • پشتی بدوماهیك ئینانا پرۆسێسا هه‌لسه‌نگاندنێ و به‌رامبه‌ر هه‌لسه‌نگاندنی هه‌گبه‌ی هه‌ر مامۆستایه‌كێ، ده‌مژمێره‌ك دێ هێته‌ هژمارتن وه‌ك چالاكی بۆ هه‌ر ئه‌ندامه‌كێ لیژنێ بۆ به‌رنامێ زانستیخوازی به‌رده‌وام. كۆیێ ده‌مژمێرێت هژمارتی نابیت ژ چوار (4) ده‌مژمێرا بوریت.

كومبوونا لیژنا هه‌لسه‌نگاندنێ

لیژنا هه‌لسه‌نگاندنێ سالانه‌ پێش دوماهیا هه‌یڤا گولانێ كومبوونا خۆ گرێده‌ت وتێدا پێزانین ودوكیومێنێت دناڤ هه‌گبه‌ی مامۆستا دا دهێنه‌ هه‌لسه‌نگاندن وفورما دوماهیێ یا هه‌لسه‌نگاندنێ دهێته‌ ئیمزا كرن. كۆنووسا كومبوونێ دێ هێته‌ ئاماده‌كرن ژلایێ رێكخه‌رێ دڵنیایی جۆری ل به‌شێ زانستی.

پێتڤی یه‌ د كارێ لیژنێ دا دوپات ل سه‌ر هاریكاریا مامۆستای بێته‌ كرن بۆ نه‌هێلانا خاڵێت لاواز وبلندكرنا ئاستێ وی وباشترین كوالیتی پێشكێشی قوتابیا بكه‌ت. ژبۆ ڤێ چه‌ندێ پێتڤی ێه‌ گرنگی بێته‌ دان ب خانا (18) یا فورما دوماهیێ، هه‌روه‌سا پێتڤی یه‌ لیژنا هه‌لسه‌نگاندنێ تێبینی و ره‌خنه‌ وپێشنیارا توماربكه‌ت بۆ هه‌ر مامۆستایه‌كێ بێته‌ هه‌لسه‌نگاندن ژبۆ وێ چه‌ندێ وه‌ك فیدباك مامۆستا پێش وه‌خت مفایێ ژێ بینیت.

پێش دوماهیا هه‌یڤا گولانێ، فورما دوماهیێ یا په‌سه‌ند كری دگه‌ل كۆنووسێت كومبوونا یێت لیژنا هه‌لسه‌نگاندنێ برێكا رێكخه‌رێ گشتی یێ کولیژێێ وبنهێنی دێ هێنه‌ دان بۆ ده‌ستێ راگرێ کولیژێێ و برێكا وی دێ هێنه‌ پێشكێش كرن بۆ ئه‌نجومه‌نێ کولیژێێ. پاش وه‌خت، هه‌گبه‌ی مامۆستا دێ بۆ مامۆستای زڤریته‌ ڤه‌، دانه‌یه‌ك ژ هه‌گبه‌یێن خودان پله‌یێن زۆر بلند و زۆر كێم دێ هێته‌ پاراستن ژلایێ رێكخه‌رێ به‌شی ژبۆ لێ زڤرینێ ده‌مێ پێتڤی (گازنده‌، پشكنین، پێداچوون(

ئه‌نجومه‌نی کولیژێ

پێش دوماهیا هه‌یفا خز‌یرانێ و ب ئاماده‌بوونا رێكخه‌رێ سه‌ره‌كیێ کولیژێێ، ئه‌نجومه‌نێ کولیژێێ ئه‌و بریارێ ل خوارێ ئه‌نجام د ده‌ت:

  1. پێداچوونه‌ك سه‌ر هه‌می كۆنووسێت لیژنا هه‌لسه‌نگاندنێ دگه‌ل فورمێت دوماهیێ. ئه‌گه‌ر لیژنا هه‌لسه‌نگاندنێ هنده‌ك بابه‌ت یه‌كلا نه‌ كربن، ئه‌نجومه‌نی کولیژێ دێ بریارێ ل سه‌ر ده‌ت.
  2. لدویف ئه‌نجامێن مامۆستای بده‌ستڤه‌ ئیناینن، دێ بریار سه‌ر ئێته‌ دان. پاش وه‌خت، بریارێن ئه‌نجومه‌نی دگه‌ل فورمێن دوماهیێ بنهێنی دێ هێنه‌ دان بۆ مامۆستای.
  3. باشترین مامۆستا كه‌ پلا (A1) بده‌ستڤه ئینابیت دێ هێته‌ ده‌ست نیشانكرن سه‌رئاستێ به‌شێ زانستی وکولیژێ، باشترین مامۆستا ل سه‌ر ئاستێ کولیژێێ دێ هێته‌ ده‌ستنیشانكرن وه‌ك كاندید بۆ باشترین مامۆستا سه‌رانسه‌ری زانكۆیێ، فورما دوماهیێ دگه‌ل داخوازێ دێ هێته‌ بلندكرن بۆ ئه‌نجومه‌نێ زانكۆیێ.
  4. فورمێن خودان پله‌یێن (E2) دێ هێنه‌ بلندكرن بۆ ئه‌نجومه‌نێ زانكۆیێ بۆ په‌سه‌ندكرنا بریارا.

پێتڤی ێه‌ بریارێن ئه‌نجومه‌نێ کولیژێێ د گونجای بن دگه‌ل په‌رژه‌وه‌ندیا مامۆستا وقوتابی، وپێتڤی یه‌ مامۆستا ڤان بریارا بجی بینیت. ئه‌نجومه‌نێ کولیژێێ مافێ هه‌ی دویف چوونێ بكه‌ت كه‌ پرۆسێس بشێوه‌یه‌كێ بابه‌تانه‌ هاتیه‌ ئه‌نجامدان و لیژنا هه‌لسه‌نگاندنێ بشێوه‌یه‌كێ دروست بكارێ خۆ رابویه‌، لێ ئه‌نجومه‌نی ماف نینه‌ ده‌ستكاری ل سه‌ر ئه‌نجاما بكه‌ت به‌لكی پێتڤی یه‌ بزویترین وه‌خت ڤان ئه‌نجاما په‌سه‌ند بكه‌ت.

ئه‌نجومه‌نێ زانكویێ

ئه‌نجومه‌نی زانكۆیێ سالانه پێش ئاهه‌نگا ده‌رچوونێ وب ئاماده‌بوونا رێڤبه‌رێ دڵنیایی جۆری، پێداچوونێ ل سه‌ر كونووسێت كومبوونا دكه‌ت یێن هه‌می کولیژێا وباشترین مامۆستا سه‌ر ئاستێ زانكۆیێ ده‌ستنیشان دكه‌ت ژبۆ هندێ بێته‌ راگه‌هاندن ل ئاهه‌نگا ده‌رچوونێ. هه‌روه‌سا دڤێ كومبوونێ دا، دان وستاندن دهێنه‌ كرن ل دور ژماره‌ وكێشه‌ وكوالیتی یا مامۆستایێن پێتڤی هاریكاریێ و پلا (E2) بۆ جارا ئێكێ یان دووێ بده‌ستڤه‌ ئینایه‌ وبریار ل سه‌ر دهێته‌ دان.

وه‌كی به‌رنامێ دڵنیایی جۆری فێركردن وزانستیخوازی به‌رده‌وام، پێتڤی یه‌ ل هه‌می زانكۆیا میكانیزمه‌ك بێته‌ دانان بۆ پاراستنا ده‌رئه‌نجام وفۆرمێت دوماهیێ یێت هه‌لسه‌نگاندنا هه‌گبه‌ی مامۆستای بۆ ماوێ دوو سالا. رێژا دوماهیێ كو د خانا ژماره‌ (17) دهێته‌ دیاركرن، دێ هێته‌ پاراستن دناڤ داتابێسێ رێڤه‌به‌ریا گشتی دڵنیایی جۆری ل وه‌زاره‌تا خواندنا بلند. وه‌زاره‌تێ مافێ هه‌ی ل ده‌مێ پێتڤی، پێداچوون وپشكنینێ ل سه‌ر پێزانین وبه‌لگه‌ وپرۆسێسا هه‌لسه‌نگاندنێ بكه‌ت.

مافێ مامۆستایێ دهێته‌ هه‌لسه‌نگاندن

ئه‌و مامۆستایێ دهێته‌ هه‌لسه‌نگاندن ماف نینه‌ ده‌ست كاریێ د پرۆسێسا هه‌لسه‌نگاندنێ دا بكه‌ت یان پرسیارا بوچوونێت لیژنا هه‌لسه‌نگاندنێ بكه‌ت یان گله‌یی لێ بكه‌ت.

مامۆستای مافێ هه‌ی چاڤپێكه‌تنێ دگه‌ل سه‌رۆكێ به‌شی بكه‌ت ژبۆ باسكرنا پێزانین وبه‌لگه‌یا ودیاركرنا ئاستێ هاتیه‌ توماركرن بێ كو ده‌ستكاری ل سه‌ر بریارا وتێبینی یا بكه‌ت یان بگوهریت. مه‌ره‌م ژ چاڤپێكه‌تنێ بتنێ لێك تێگه‌هشتن و رونكرنه‌.

هه‌روه‌سا مامۆستای مافێ هه‌ی داوای پێداچوونا ده‌رئه‌نجاما بكه‌ت، پێتڤی یه‌ مامۆستا داوایه‌كه‌ فه‌رمی پێشكێشی ئه‌نجومه‌نێ کولیژێێ بكه‌ت ژبۆ وێ چه‌ندێ كو لیژنه‌كا هه‌لسه‌نگاندنێ ل به‌شه‌كێ دی هه‌گبه‌ی ئه‌و مامۆستا ب هه‌لسه‌نگینیت.

دواگووتن:

هه‌لسه‌نگاندنا هه‌گبه‌ی مامۆستا به‌شه‌كه‌ ژ به‌رنامێ دڵنیایی جۆری وتواوكه‌ره‌كه‌ بۆ پرۆسێسا زانستیخوازی به‌رده‌وام و فیدباكا قوتابیا. دبیت جۆرێ پرسیارا وه‌كی ئێك وتێكه‌ل بن به‌لێ به‌رسڤا پرسیارا ژ دوو لایه‌نێن جیاواز دهێن، كارگێری وقوتابی، له‌وما ده‌رئه‌نجامێت هه‌لسه‌نگاندنێ زۆر دجیاوازن.

فایلێ کوردی ملف عربی English File